اصحي يابني اسمع الدرس

: زاكري..زاكري..زاكري
سبيشل
05-15-2006, 03:56 PM
<div align="center"> السلام عليكم ورحمه الله وبركاته

يمكن تكون هدي اول مرره اكتب موضوع من راصي ومو منقول بس مرره نفسي اكتبوو

موضوع يمكن عنوانو معفن شويه وهوه الاختبارات

هدا الكابوووس اللي لاحقنيي عمرييي كلووووو ومين سواه كابوس الله يهديها الوالده بس اظن هوا برضو كابوس لكل الناس

من يوم ماكنت فالابتدائي وانا وقت الاختبارات مااشوف احد ولا اسوي شي غير ازاكر وابدا ازاكر قبل الاختبارات بشهرر تقولو توجيهي وطبعنن ماازاكر بامانه لاني طفشانه عمري وبعد هدا كلو اطلع السادسه ولا الخامسسه

ارجع شويه لورا وافتكر زماان ..اروح اخد كتبي ودفاتري واروح عند ماما تزاكرلي .. اسالها ماما متى حتخليني ازاكر بنفسي؟؟

تقولي انتي فالحه فشي اصلا تبغيني اسيبك عشان ترسبي

اسكت وازاكررر واقول السنه الجايه تسيبني وطبعاا مرره تجيني الكاابه لانوو انا اقعد اطالع وهيه تزاكرليي وانا مرررره اكون زعلانه بس مااقدر اقول شي واسكت واسلم امري لربنا

هدا كلوو عشان ماما مرره كانت دافوره وتطلع الاولى عالمدرسه كل سنه وتبغاني زيها حتى ماتهتم فييا الا من دا الموضوع اللي يعتبرر هوووس

اما المتوسسط مررت بسرعه ماحسسيت فيها بس اللي افتكروو اني كنت مضيعهه وماهمني الدرجات هدا وبرضوو ماما تزاكرلي

جينا للثانوي طبعن اولى ثانويي مررره كاااااااانت حلوووه مع انو كان فيه ضغط فالمزاكره

افتكر اختبار الكيميا اتولع البيت حريقه هههههههههه
طبعن ماكنت ازاكر اول باول مع انو ماما اتهلكت وهيه تقولي زاكري بسس ماكان احد يزاكر اصلا

الموهم جاتني قالتلي هيا امشي ازاكرلك وطبعا لازم اروح غرفتها اللي اعتبرها <<سجن ابو غريبب
رحتت وطبعن المنهجج كاااااان طويييل ويدوب اختمو لحالي اجل كيف ماما معايه اللي ماتقدر تسيب شي الا ازا فهمتوو مليون بالمييه

زاكرتلي اول درس تاني درس تالت درس انفرطت علييييييه تزعقق عليه ومابقت شي مارمتو علييه ههههههههههههههههه

رحت شردت دخلت غرفتي وقفلت الباب وطبعن نفسيتي زي الزفت من المغرب الين 12 وانا لسه فنص المنهج هههههههه

قعدت ازاكرر الين مارحت المدرسسه واختبرت والاختبار كان صعب وجبت 23 << بس كويس بالنسبه للماساه اللي سارت

خلصت السنه وعدت على خيرر جينا للاجازه
من بدايه الاجازه ومن قبلهاا وهيه تقتنعني ادخل ادبي

تقولي انتي اصلا منتي فالحه فشييييي تبغى تدخلي علمييي ليشششش

اقولها ياماما مااحب الادبي ايش تبغيني انتحر؟؟ تقولي انتي تبغي تدخلي علمي عشان تتفشخري قدام الناس خ خ خ

في الاخير سويت اللي فراصي ودخلت علمي ومرتاحه دحيين

يعني مسلا دحين ماما ماتزاكرلي الا رياضيات وطبعن ماما ماتعرف رياضيات حديثه فانا اشرحلها وهيه تخليني احل بس مني عارفه ليييه ماتسيبني تماما؟؟

يعنيي مستواي زي ماهوه سواء هيه زاكرتلي ولا انا زاكرت بنفسيي

يعني كتر خيرها بتزاكرليي وبتتعب عشان تبغى تشوفني احسسن شيي بس لازم تسيبني عشان اعتمد على نفسي .. بس هيه مهي متطمنه انو اقدر اعتمد على نفسي فالرياضيات بالزات اللي صح اكرهو بس مو قد كرهي للنحوو

يعني الحمد لله صح باخد ممتاز كل سنه ولمى اروح فرحانه لماما تقولي اصلا انا المفروض اخد دي الدرجه

دحين كم بقي عالاختبارات؟؟ تقريبن اسبوعين ... قبل شويييه اخدت على راصي بالجزمهه بس ماما خرجت الحمد لله عشان كدا باكتب الموضوع يعنييي محا يسير شي لو قعدت عالنت شويه وجيت زاكرت وانا مفتوحه نفسي مو لازم اموت وانحبس فغرفتها طول الوقتت عشان ازاكر كويسس لاني اعرف نفسي لو ماليه نفس ازاكر <<<محا ازاكر

يعني قبل ماتبدا الاختبارات بشهر تقريبن كل ماتشوفنيي تقولي زاكري دوبي صاحيه من النوم والغمز فعيوني تقولي زاكريي

كل ماني ماشيه تقولي زاكري

يعني مااظن احد في الحياه يهتم قد كدا للمزاكره

ماادري يمكن عشاني اخر العنقود فالتركيز كلوو جا عليه وياريتني على كدا ماكنت اخر العنقود خ خ خ
وماادري هيه تزاكرلي بس ماترفع معنوياتي زي جاتني فتره كنت ابغى ادخل طب فطبعا شفت التحطيم <<بطلت قلت خلااااص ماابغى اخش طبب ابغى اكنس الشوارع هههههههههههه

ياريت تقترحو عليه ايش اسوي اخليها تزاكرلي فسجن ابو غريب واسكت وللا شوفولي طريقه اخليهها تسيبني اعتمد على نفسي وهدي ابسط حقوقي الانسانيه بالزات دحين فالتوجيهي انا متاكده اني حافكر في الانتحار ههههههههه


معليه طفشتكم معايا بس هدي تقريبن قصه حياتي مع المزاكره وحبيت تشاركوني في المعاناه

منقول


أأأأأأدي الطلبه ياناس